Lasarte-Oria Berriak

Web honen sarrera berrien parte izan nahi baduzu, zure helbide elektronikoa harpidetzarako kutxan sartu baino ez duzu. Informazio hori soilik xede horretarako erabiliko dugu. Eskerrik asko.



Administrazioa
Albisteak
Follow @lasarteoria
Ireki da enpresa txikiak sortzeko laguntzetarako epea
Bestelakoak - Oharrak


Udalak merkataritzan, ostalaritzan edo zerbitzu pertsonaletan enpresa txikiak sortzeko laguntzen eskaeretarako epea ireki du. Laguntza-lerroa itzuli beharrik gabeko 25.000 eurokoa da, eta gehienezko laguntza 1500/1800 eurokoa izango da. Gure udalerrian hirugarren sektorea indartzeko helburuarekin, Jesus Zaballos alkateak laguntzen deialdi berria iragarri du, Lasarte-Orian merkataritzaren, ostalaritzaren edo zerbitzu pertsonalen sektoreei lotutako enpresa txikiak sortzeko.

Gehiago irakurri...
 
Aterpeak Stockaren Azoka egingo du beste behin
Bestelakoak - Oharrak


Irailaren 22an eta 23an, Lasarte-Orian merkataritzako Stockaren Azoka egingo da beste behin, eta denda parte-hartzaileen atarietara itzuliko da ostera. 15 establezimenduk parte hartuko dute azokan. Jesus Zaballos alkatea eta Nuria Fernández sozioekonomiako zinegotzia bertan zirela aurkeztu zuten azoka Aterpeako ordezkariek. Aurten, azoka hilaren 22an egun osoz eta 23an goiz-partean egingo da. 15 dendak denboraldiko produktuen soberakinak eskainiko dizkiete lasarteoriatarrei. Aurten, denda parte-hartzaileak hauek izango dira: Deco 75 Textil Hogar, Alba Moda, Olmi Mertzeria, Leder Oinetakoak, Urruzola Mertzeria, Arregui Elektrizitatea, Iturbe Zapata-denda, Ines Flores Eskulana, Kattagorri Jostailu-denda, Abreu Bazarra, Donna Boutiquea, Aritza Mertzeria, Mabel Moda, Las-Arte Pintorearen Estudioa eta Marbell Ile-apaindegia.

Gehiago irakurri...
 
"Partekatzeak urrutiago eramango zaitu", Mugikortasunaren Europako Astearen leloa
Bestelakoak - Mugikortasuna


Lasarte-Oriako Udalak, aurten ere, Mugikortasunaren Europako Astean parte hartuko du. Ekimen hori irailaren 18tik 22ra ospatzen da. Aurtengo deialdia “Partekatzeak urrutiago eramango zaitu” lelo pean egin da eta irailaren 22an izendatuta dagoen “autorik gabeko eguna”-rekin bukatuko da. Agustín Valdivia ingurumeneko zinegotziak eta Eli Gondat Artelatzekoak aste honen helburuak eta egunotarako antolatutako jarduerak aurkeztu dituzte: bigarren eskuko bizikleten azoka, bizikletazko martxa, kalea jostatzeko, formazioko ikastaroak, ibiltzea osasuna da proposamena, argazki-erakusketa eta hiribusa dohainik. Programaren gastua 10.951.69 eurokoa da: 10.685,39 € Artelatzentzat, jarduerengatik, eta 266,30 € DYArentzat, martxetan anbulantziarekin laguntzeagatik.

Gehiago irakurri...
 
Lasarte-Oriak II. Merkatu Jakuetarra ospatuko du asteburu honetan
Festak - Erromeriak


Iazko edizioaren arrakasta ikusita, Okendo Plazara eta Kale Nagusira itzuliko da Merkatu Jakuetarra, artisautzaren eta kulturaren promozioa beste garai bateko memoriarekin konbinatzen duen festa-azoka. Jesus Zaballos Lasarte-Oriako alkateak, Maite Iglesias kulturako zinegotziak eta ekitaldiaren sustatzaileek gaur aurkeztu dute Merkatu Jakuetarraren 2. edizioa, ostiraletik igandera arte Okendo Plazan eta Kale Nagusian egingo dena, kale hori trafikorako itxi egingo delarik.

Gehiago irakurri...
 
Eskolako materiala erosteko laguntzak eskatzeko epea irekitzen da
Bestelakoak - Hezkuntza


Datorren astelehenean, hilak 4an, "Familiei eskolako materiala erosteko laguntza eta Lasarte-Oriako merkatzaritaren aldeko babesa"  eskaerak egiteko epea irekitzen da. Eskaerak aurkezteko:

  • EPEA: Irailaren 4tik urriaren 2ra arte
  • LEKUA: Manuel Lekuona Kultur Etxean (Geltoki Kalea 18)
  • ORDUTEGIA: astelehenetik ostiralera, 9:00etatik 14:00era bitartean

Programa berriaren helburuak dira, batetik, eskola-adineko haurrak eta 40.000 eurotik beherako diru-sarrerak dituzten familiei laguntzea krisi-garai honetan eta, bestetik, eskolako materiala Lasarte-Oriako herriko dendetan eros dezaten sustatzea.

Gehiago irakurri...
 
Irekitzera doa kiroldegiko ikastaroetarako epea
Bestelakoak - Kirolak

Irailaren 1etik aurrera irekiko da Kirolen Zerbitzu Munizipalak 2017/2018 denboraldirako eskainiko dituen kirol-jardueretan izena emateko epea. Funtsean, bere horretan mantentzen da iazko kurtsoko kirol-eskaintza, helduentzako jardueretan bezala haurrentzakoetan ere.

Gehiago irakurri...
 
Segurtasunezko zorua instalatzen Tximistarretako haur-parkean
Bestelakoak - Oharrak


Udala Tximistarreta Parkeko haur-jolasetan hondar-geruza bat instalatzen ari da, gerta litezkeen erorketetatik babesteko balioko duena. Obra hori orain urte batzuk egin zenean, eginkizun geratu ziren haur-parke horretarako beharrezkoak diren segurtasunezko neurriak. Horregatik, udaleko brigada une honetan zoru berri bat egiten ari da jolasen eremuan. Horretarako, jolas horiek inguratzen dituen lurra erretiratu egin da, 40 eta 60 cm arteko hondar-geruza bat ipintzeko, segurtasunezko zoru moduan jardungo duena. Eremu hori guztia zurezko piezen bidez hesituko da.

 
Femmes
Kultura - Antzerkia

Lau atso suminduk, lau amona iraultzaile eta aldarrikatzailek, gizartearen desilusio, atsekabe eta nahigabeaz ohartuta, zigor-bidea euren esku hartu eta iraultza egitea erabaki dute, komunikabideetan zein kalean ikusi eta entzuten duten guztia oinarri hartuta. Mugimendu berri bat sortu dute orduan, oldarkortasunezko metodo zentzugabeen eta protesta erabat desegokien bitartez mundua iratzarriko duen mugimendua.

Okendo. Uztailak 21, 20:00etan, doakoa
Ikuskizunaren bideoa: https://vimeo.com/170020404
Info+ Hortzmuga Teatroa

 
Aurkeztu da Santa Anako azoka
Festak - Azokak


Aurkeztu da Santa Anako azokaren XXXIII. edizioa. Lasarte-Oriako alkateak, Sendoki elkarteko ordezkariekin batera, azokaren kariaz egingo diren jardueren berri eman dute: artisautzako postuak, herriko erakuskariak, musika-tresnen erakusketa eta Ramón Rotetari egingo zaion omenaldia. Uztailaren 23an igandearekin, Okendo plazan, Artisautzako Azoka (programa jaitsi, PDF) tradizionala bisitatzeko aukera izango da. Azokak, 10etatik 14etara eta 17etatik 20etara bitarteko ordutegian, artisauak beren produktuak zuzenean lantzen ikusteko aukera emango digu.

Gehiago irakurri...
 
Santa Ana eguna ospatzeko hainbat ekitaldi
Festak - Erromeriak


Uztailaren 26an Lasarte-Oriak Santa Ana eguna ospatuko du, hainbat ekitaldi kulturalekin: Parodia tradizionala eta Santa Anetako IV. Pintxoa. Jesus Zaballos alkateak eta Ramon Ormazabalek, Aterpearen izenean, programa aurkeztu dute. Gaur goizean, Aterpeak Santa Anetako IV. Pintxo jardunaldia aurkeztu du, uztailaren 26an Santa Ana egunez egingo dena. Oinarri moduan, pintxoak bakailaoa eta piperrak erabiliko ditu, taberna bakoitzak bere iaiotasuna gehituz. Aurtengoan, ostalaritzako 12 establezimenduk iragarri dute parte hartuko dutela, iaz baino lau gehiagok: Arkupe tabernak, Buenetxea kafe-tabernak, Araeta Sagardotegiak, Usoak tabernak, Lasarte tabernak, Txema tabernak, Viña del Mar kafetegiak, Jalai Tabernak, Jalgi Tabernak, Abend Sagardotegiak, Lavie Gastrobarrek eta Yolanda tabernak beren proposamena eskainiko diote dastatu nahi duenari.

Gehiago irakurri...
 
Bidegorrian artapen lanak
Bestelakoak - Mugikortasuna

2017/07/17 egunean, bidegorrian Artapen lanak hasiko dira; beraz, bidegorri hauek moztuta egongo dira ondoko taulan (PDF) adierazten diren egunetan. Honen bitartez, lan hauen hasiera jakinarazten dizuegu.

 
Kulturetxeak bere 1. Gau Zuria ospatuko du hainbat jarduerarekin
Bestelakoak - Oharrak


Kafetegia berriro irekitzea, musika, dantza eta antzerkia, Lasarte-Oriako 1. Gau Zuriaren atrakzio nagusiak. Ostiralean, irailak 22, Kulturetxea 20:30etik 2:30 arte zabalik egongo da, hainbat ekitaldi kulturalekin. Jesus Zaballos Lasarte-Oriako alkateak, Maite Iglesias kulturako zinegotziarekin eta Juantxi Ugarte teknikariarekin batera, datorren ostiralean Kulturetxean zer-nolako jarduerez gozatu ahalko dugun aurkeztu du. Zaballosek nabarmendu du Gau Zuri hau beste ahalegin bat dela lasarteoriatarrei kultura irisgarriago egiteko.

Gehiago irakurri...
 
Obra de Dios
Kultura - Antzerkia

Unibertsoko jaunak, Zeruen eta Lurraren egileak, antzokia bisitatzen du bere hamar aginduak berridazteko. Gizateriak bere sorreratik egiten dituen galdera horien guztien erantzuna iritsi da azkenik. Zergatik sortu zuen Jainkoak Adan? Eva bekataria al zen benetan? Zenbat animalia sartu zituen Noek kutxan? Bibliaren protagonisten inoiz kontatu ez den benetako historia: Jesus, Abraham, Moises eta Steve Jobs. Gizakiak beti jakin nahi izan duen guztia, espazioaren eta denboraren erregeak eta bere arkanjeluek erantzunda.

Manuel Lekuona. Irailak 15, 21:00etan
Sarrerak: 12,00 € (klik internet bidez erosteko)
Ikuskizunaren bideoa: https://youtu.be/cX6pAaNWPaI
Pentación Espectáculos

 
Udazkeneko Gaztelekuko eta Kulturetxeko ikastaroak
Kultura - Ikastaroak


Irailaren 18an irekiko da Gaztelekuaren eta Kulturetxearen udazkeneko ikastaroetan izena emateko epea. Epe hori irailaren 29an itxiko da. Jesus Zaballos alkateak, Maite Iglesias kulturako zinegotziak, Txus Alonsok gazteriako zinegotziak  eta Xabier Goitia aurkeztu dituzte udazkenerako Gaztelekuko eta Kulturetxeko ikastaroak. Gaztelekuaren kasuan, 5 dira aurreikusitako ikastaroak: Gitarra, Ukelele, Laguntza Eskolarra, Break Dance eta Shuffle eta Dantza Jazz. Ikastaro horiek 12tik 30era urteko gazteei zuzenduak daude eta urriaren 18an hasiko dira. Informazio gehiago jaso edo izena eman nahi dutenek Gaztelekura joan behar dute:

  • Gitarra: asteazkenero 18:00etatik 20:00etara.
  • Ukelele: asteazkenero 18:00etatik 20:00etara.
  • Laguntza Eskolarra: ostegunero 17:30etatik 19:30etara.
  • Break Dance eta Shuffle: ostegunero 18:00etatik 20:00etara.
  • Dantza Jazz: ostiralero 18:00etatik 20:00etara.

Kulturetxeak pertsona helduentzat aurtengo udazkenean antolatuko dituen ikastaroak zortzi dira: Genealogia, Sukaldaritza Osasuntsua, Olioa, Gorputz-jarrera Hezkuntza, Mindfulness, Joskintza, Sabel Dantza eta Akuarela. Informazio gehiago jasotzeko edo inskripzioa egiteko, Kulturetxera joan behar da:

  • Genealogia: astelehenero 18:00etatik, 20:00.
  • Sukaldaritza Osasuntsua: asteartero 18:00etatik, 20:00.
  • Olio: asteartero 18:00etatik, 20:00etara.
  • Gorputz-jarrera Hezkuntza: asteartero 19:45etatik 21:15etara.
  • Mindfulness: asteazkenero 19:00etatik, 21:00etara.
  • Joskintza: ostegunero 19:00etatik 21:00etara.
  • Sabel Dantza: ostegunero 19:45etatik 21:15etara.
  • Akuarela: ostiralero 18:00etatik 20:00etara.

Gaztelekuko ikastaroen informazio osoa (PDF)
Kulturetxeko ikastaroen informazio osoa (PDF)

 
Lasarte-Oriako kirol-instalazioetan abonatuta daudenentzako eskaintzak
Bestelakoak - Kirolak

Lasarte-Oriako kirol-instalazioetan abonatuta daudenei Udalak gogorarazten die ezen, kiroldegi eta kirolgune munizipaletan nahiz Buruntzaldeko kirol-instalazio mankomunatuetan (Andoain, Urnieta eta Usurbil) eskaintzen zaizkien kirol-zerbitzuez gain, jarduera fisikoarekin zerikusia duten eskaintza berezien aukera zabal bat daukatela eskueran. Alde batetik, eta udalerriko gimnasioekin sinatutako lankidetzako hitzarmenaren ondorioz, abonatuta daudenek hurrengo eskaintza hauek izango dituzte:

Gehiago irakurri...
 
Erregeen kabalgata antolatzeko hiru urteko hitzarmena
Festak - Eguberria


Lasarte-Oriako Alkatea den  Jesus Zaballosek eta MEGABAko lehendakaria den Boris Nogalesek hiru urteko hitzarmena sinatu zuten atzo, eta horren bitartez, Udalak, 2019ra arte, Erregeen Kabalgata antolatzeko laguntza emateko konpromisoa hartzen du. Onartu den 3 urteko hitzarmen horrek, kudeaketarako hobekuntza dakar, elkarteak urtearen hasieran laguntza jasotzea, alegia. Hitzarmenean onartutako urteko diru-laguntzak hurrengo hauek dira:

  • 2017ko ekitaldirako: 5.105,00 €
  • 2018ko ekitaldirako: 5.176,00 €
  • 2019ko ekitaldirako: 5.248,00 €

Gehiago irakurri...
 
Lasarte-Oriako XXXVI. Santa Ana pala-txapelketa
Bestelakoak - Kirolak

Uztailaren 26an, Santa Ana egunez, aurten 36. urtea beteko duen Santa Ana pala-txapelketa tradizionalaren finalak jokatuko dira. Partidak Loidibarrengo frontoian jokatuko dira, 17:15etik aurrera. Ondoren, trofeo-banaketa egingo da. Finalak bi dira:

  • 3. eta 4. postuetarako, Iparragirre-Martín bikoteak Pagola-Ferreira bikotearen kontra jokatuko du.
  • 1. eta 2. postuetarako, Astiazaran-Arluziaga eta Artetxe-Urkia bikoteek jokatuko dute.
 
Whiplash
Kultura - Zinea

Bateria-jole gazte bat kontserbatorioan hasiko da, non irakasle tiraniko batekin egiten duen topo. Bere opera priman Damien Chazelle zuzendariak erakutsoi zuen jada musikari dion maitasuna, gero La La Land sarituan garatu duena areago. Hiru Oscar irabazi zituen 2015ean.

Okendo plaza. Uztailak 20, 22:15etan, doakoa
Udako zinea, BOA
Trailerra: https://youtu.be/KWKv9Nc0HBI
Okendo Zinema Taldearen eskutik
Euria egingo balu, elizatzeko txapelan egingo da proiekzioa

 
"Brunet" eskultura inauguratu da Oria parkean
Bestelakoak - Oharrak


Festa-giroan, Lasarte-Oriako alkateak, Jesus Zaballosek, Miguel Ángel Oribe oriatarraren Brunet eskultura inauguratu zuen, gure herriaren historia behin betiko aldatu zuen Brunet hariki-fabrikaren oroigarri moduan egina. Zaballosek, udalbatzako beste kide batzuk, Oriako auzo-elkartekoak eta artelanaren egilea lagun zituela, han bildutako oriatarren aurrean inauguratu zuen eskultura.


Gehiago irakurri...
 
Aurkeztu dira Oriako eta Basaundiko 2017ko jaiak
Festak - Erromeriak


Oriako hariki-fabrikaren oroitzapenezko Brunet eskulturaren inaugurazioa izango da ekitaldi garrantzizkoenetako bat. Festen programa kontsolidatua geratu da, karmenetako eta sanignazioetako jaiak uztailaren 16an, 29an, 30ean eta 31n ospatzeko. Festen aurkezpenean izan ziren alkatea, Txus Alonso, festetako zinegotzia, eta José Rodríguez eta Manuel Urdanpilleta, batzorde antolatzailekoak. Azken horiek udalaren kolaborazioa eskertu zuten, laguntza horri esker festak kontsolidatu ahal izan baitira, programaren % 95a finantzatuta. Aurten, jai bakoitzera bideratutako zenbatekoa 2.950 eurokoa da.

Gehiago irakurri...
 
Zabalik dago gazteentzako entsaio-lokalak eskatzeko epea
Bestelakoak - Oharrak


Udalak, herri honetako musika-taldeei babesa emateko neurri gisa, haien esku jartzen ditu Gaztelekuan horretarako dauden lokalak. Horiek erabili ahal izateko, horien eskaera egiteko epea ireki da, uztailaren 21era arte. Interesatuek eskaera-orri bat bete beharko dute eta udaletxeko erregistroan entregatu. Gogoarazi behar da bi entsaio-areto daudela, eta horiek erabiltzeko ordutegia 10:00etatik 24:00etara dela, astelehenetik igandera. Lehentasuna izango dute 30 urtetik beherakoez osatutako taldeek, bai eta udalerrian erroldatutako kideez osatuek ere.

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

1. orria 58(e)tik
Copyright-a © 2017 Lasarte-Oriako Udala. Eskubide guztiak gordeta.