Administrazioa
Albisteak
Follow @lasarteoria
Lasarte-Oria Aquarius itsasontziko errefuxiatuekin
Bestelakoak - Oharrak

Lasarte-Oriako Udalak etxebizitza bat eskaini du Aquarius itsasontzitik datorren familia bat aterpetzeko, orain urtebete Siriatik aterpe bila zebiltzanekin egin zuen moduan.

Gerrengatik edo jazarpen politikoagatik, erlijiosoagatik, generozkoagatik, sexu-orientaziokoagatik eta bestelakoengatik jende askok bere lurraldetik ihes egin behar duen une honetan, Europak jende horri aterpea emateko obligazio morala du. Horregatik, orain urtebete Siriako gerragatik gertatutako krisi humanitarioarekin egin zuen moduan, udalak Eusko Jaurlaritzaren, EUDELen eta FEMPen esku jarri du etxebizitza bat, errefuxiatu-familia bati aterpea emateko.

Lasarte-Oria herri abegikorra da, hemen bizi diren herri eta jendeen idiosinkrasiak eta aberastasunak erakusten duen moduan. Pertsona asko dira gerragatik edo arrazoi ekonomikoengatik lurralde honetatik atera zirenak, beste jende asko arrazoi berengatik Lasarte-Oriara etorri den bezala. Giza eskubidezko eta justiziazko kontu bat da, eta ezin dugu beste aldera begiratu.

 
Copyright-a © 2019 Lasarte-Oriako Udala. Eskubide guztiak gordeta.