Administrazioa
Albisteak
Follow @lasarteoria
Sagartu
Kultura - Dantza

Umorez, alaitasunez eta bizi-bizi, sagarrak gure herrian ez ezik, paradisuko garaietatik hona izandituen esanahi guztiak plazaratuko dituen kaleko ikuskizun multidisziplinarra, zuzeneko musika, antzerkia eta dantzarekin. Sagarra tentazioa da. Goserik gabe, gutizia. Bazkal-aurretik, kapritxoa. Bazkal-ondoren, apeta. Eta beti, osasuntsua. Gosea baretzen du, eta aldi berean, sagar gehiagoren gosea piztu. Sagarrak dantza egiten du.Poltsikoan berdea, poltsoan, gorria eta eskuan, berdea!

Okendo plaza. Uztailak 20, 19:00etan, doakoa

Hika teatroa & Oinkari Dantza
Ikuskizunaren bideoa: https://youtu.be/_JhRy2FOKT4

 
Erketzen 50. urteurrenerako hitzarmena sinatu da
Kultura - Dantza


Lasarte-Oriako alkate Jesus Zaballosek eta Erketz E.D.T.ko lehendakari Ruben Arranzek sinatu zuten hitzarmena, entitatearen 50 urteurrenaren kariaz antolatutako ekitaldiak finantzatuko dituena.

Gehiago irakurri...
 
Wabi Sabi
Kultura - Dantza

Zenbat istorio geratzen dira marrazkilari, idazle eta poetek paperon­tzira botatzen dituzten paperetan gatibu? Istorio tolestuak, apurtuak, zimurtuak... Paperezko istorioak... Utziko al diegu kanpora ateratzen? Istorio horiek lo geratzen dira norbait haiek askatzera etortzeko zain. Batzuetan lortzen dute ihes egitea, eta hegan alde egiten dute, haien­tzat lekua daukan bururen baten bila. Papera bezain elementu sinple batetik sortzen diren istorioak aurki­tzeko ideiatik abiatuta, ikuskizun horrek dantzaren, bideoen, magiaren eta umorearen bidez kontatzen digu amaitu gabeko bi pertsonaien istorioa. Akastunak dira, baina lortu dute haiek biltzen zituen paperetik, norbaitek ahaztuta laga zituen lekutik, ihes egitea. Orain, bidean botata topatzen dituzten istorio guztia kaskatzen dituzte, haiekin jolastu eta bizitza berri bat emateko.

Manuel Lekuona. Maiatzak 5, 17:00etan
Sarrerak: 3,80 € (klik internet bidez erosteko)
Mons Dansa
Ikuskizunaren bideoa: https://youtu.be/8p3DqdkMe7Y

 
Oskara
Kultura - Dantza

Sustrai herrikoiaren eta adierazpen abangoardistenaren artean mugitzen diren bi unibertso koreografikok eta dantzari so egiteko bi begiradak bat egin dute. «Oskara» instalazio-lana da, eta euskal kulturaren paisaia batzuk jorratzen ditu, mitoak, sortu zirenetik gaur egunera arte; indar anbiguo eta nahasgarriko sinboloen eta ikonografiaren ibilbide plastiko eta emozionala marrazten dute, giza esperientziaren historia modu absolutuenean barne hartuz.

Manuel Lekuona. Apirilak 21, 20:00etan
Sarrerak: 5,50 € (klik internet bidez erosteko)
Kukai Dantza
Ikuskizunaren bideoa: https://youtu.be/nK_iDuYLHPA

 
50 urte, ehun jantzi
Kultura - Dantza


Erketz E.D.T. Lasarte-Oriako euskal dantza taldeak 50 urte beteko ditu aurten. Bost hamarkada hauetan Erketzen ibili diren dantzariek jantzi dotore eta desberdin ugari erabili dituzte haien emanaldietan. Erketzek bere historian zehar bildu duen jantziteriaren bitartez, zazpi lurralde historikoak zeharkatuko ditugu tradizio, festa, musika eta dantza kutsuz betetako desfile koloretsu batean.

Manuel Lekuona. Martxoak 17, 19:30etan
Sarrerak: Gonbidapenekin

 
<< Hasiera < Aurrekoa 1 2 3 4 5 6 7 8 9 Hurrengoa > Amaiera >>

1. orria 9(e)tik
Copyright-a © 2018 Lasarte-Oriako Udala. Eskubide guztiak gordeta.