Lasarte-Oria Berriak

Web honen sarrera berrien parte izan nahi baduzu, zure helbide elektronikoa harpidetzarako kutxan sartu baino ez duzu. Informazio hori soilik xede horretarako erabiliko dugu. Eskerrik asko.



Administrazioa
Albisteak
Follow @lasarteoria
Oihaneko kuadrilla
Kultura - Haur Zinea

Maurice behar bezalako pinguinoa da, baina tigre bat du barruan! Tigre batek hezita, pinguino hau itsas hegazti izatetik haratago, kung-fu maisu bilakatu da. Aurrerantzean, bere lagunekin batera, bere amak egin zuen bezalaxem Maurice oihanean bakea eta justizia nagusitu daitezen saiatuko da. Baina Igor-ek, koala gaiztoak, bere jarraitzaileekin (oso argiak ez direnak) oihana suntsitzeko asmoa du.

Manuel Lekuona. Martxoak 4, 17:00etan
Sarrerak: 3,80 € (klik internet bidez erosteko)
Trailerra (filma euskaraz da): https://youtu.be/dxzl7SozOHQ

 
Alizia lurralde miresgarrian
Kultura - Haur Antzerkia

Lewis Carrollen “Alizia lurralde miresgarrian” ipuinaren haur antzerkirako moldaketa aurkeztuko du GluGluk. Ipuin klasikotik abiatuta gaur egungo haurrei zuzenduta, ikastearen edertasunaz eta beharraz arituko da antzezlana. Kantu, dantza eta antzerkiarekin Alizia neska gazteak hainbat pertsonaia xelebre eta dibertigarri ezagutuko ditu. Haiei esker onartuko du, eskolan erakusten dioten bezala, matematika, ingurugiroa ikasteak sekulako onurak ematen dizkigula. Eta, gainera,dibertigarria ere bada.

Manuel Lekuona. Martxoak 3, 17:00etan
Sarrerak: 3,80 € (klik internet bidez erosteko)
Adin gomendatua: 3-9 urte
Glu glu

 
13. Andoaingo Piano Jaialdia: 3 urrezko domina eta 6 zillarrezkoak
Bestelakoak - Oharrak


Beste urte batez Lasarte Oriako Udal Musika Eskolako pianoko zenbait ikaslek Andoaingo 13. Piano Jaialdian parte hartu dute pasa den asteburuan. Ikasleok prestatzeaz arduratu diren irakasleak Zuriñe Sarasola eta Eider Gaztañaga izan dira. Guztira gure eskolako bederatzi ikaslek parte hartu dute. Lortutako emaitzak ondorengoak dira:

  • Nahia Goenaga Sarobe, Aiora Toquero Fadrique eta Unax Goenaga Sarobe ikasleek urrezko domina eta diploma lortu dituzte.
  • Maddi Fernandez Lozano,  Gari Iraola Hernandez, Haritza Diaz de Gereñu, Eneritz Diaz de Gereñu, Alazne Armendariz Mancisidor eta Dunixe Belamendia Avalle ikasleek zilarrezko domina eta diploma lortu dituzte.
 
San Pedro jaietako omendua hautatzeko parte-hartzezko prozesua
Festak - San Pedro


Udalak parte-hartzezko prozesu bat zabaldu du, lasarteoriatarrek aukera izan dezaten beren ustez gure herriaren alde lan egin duen pertsona edo kolektiboa proposatzeko. Pertsona bakoitzak proposamen bat egin ahalko du, eta arrazoitu egin beharko du zergatik uste duen proposamen hori aintzat hartu beharrekoa dela. Festen Departamentuak bere proposamena egitera gonbidatzen ditu herritarrak. Horretarako, bihar, etxez etxe, postontzietan txartel bat (PDFn jaitsi) banatzen hasi da herritarrek beren proposamenak Udalari helarazi ahal izateko. Iritzia emateko, apirilaren 20a baino lehenago helarazi behar diguzu zure proposamena, udaletxeko bulegoetan dauden postontzietara. Parte har daiteke udal webean zehar ere: http://albisteak.lasarte-oria.eus/euskara/galdeketak

 
Aterpeak Lasarte-Oriako Ile-apainketa eta Estetikako 1. Jardunaldia aurkeztu zuen
Bestelakoak - Oharrak


Aterpeak Lasarte-Oriako Ile-apainketa eta Estetikako 1. Jardunaldia aurkeztu zuen. Otsailaren 24an izango da, larunbatarekin, Kulturetxean. Jardunaldiak sarrera dohainik izango du, eta modelo-desfile batek eta zuzeneko lanek osatuko dute.

Gehiago irakurri...
 
Que baje Dios y lo vea
Kultura - Zinea

Zenbait fraide-etxetan gozokiak egiten dituzte, beste batzuetan gregorianoak abestu. Eta San Teodosion... golak sartzen dituzte eskuairatik! "Que baje Dios y lo vea" galera handiak dituen monasterio baten istorioa kontatuko du, non salbatzeko duten aukera bakarra "Champion Clerum" irabaztea den, fededunentzat antolatutako Europa mailako futbol txapelketa. Kongregazio honetan, ordea, ez daki inortxok ere futbolean jokatzen, eta ezohiko talde honek Artzapezpikuaren bedeinkazioa baino gehiago beharko du euren etxea salbatzeko.

Manuel Lekuona. Otsailak 25, 19:30etan
Sarrerak: 5,50 € (klik internet bidez erosteko)
Trailerra: https://youtu.be/gTb0ApAlQ9c

 
El sacrificio de un ciervo sagrado
Kultura - Zinea

Steven zirujau ospetsua da, eta Annarekin ezkondutako dago, oftalmologo ezaguna bera ere. Kim eta Bob izeneko seme-alabak dituzte, baina egun batean, Stevenek gurasorik ez duen hamasei urteko Martin ezagutuko du, eta hura babesten ahaleginduko da. Ordainetan, dena galtzeko arriskuan egongo da.

Manuel Lekuona. Otsailak 23, 22:00etan
Sarrerak: 5,50 € (klik internet bidez erosteko)
Trailerra: https://youtu.be/UMkdMGFtpes
Okendo Zinema Taldearen eskutik

 
Gurasoei zuzendutako tailerrak familia barruko harremanei buruz
Bestelakoak - Oharrak

Lasarte-Oriako Udalak 6tik 11ra urteko adingabeen (informazioa jaitsi PDFn) eta 12tik 18ra urtekoen (informazioa jaitsi PDFn) gurasoentzako tailerrak antolatu ditu, aita-amei beren buruekin seguru sentitzen laguntzera zuzenduak.

Gehiago irakurri...
 
Coco
Kultura - Haur Zinea

Familian ohitura harrigarriak dituzten arren, tartean musikarekin harremanetan izateko aspaldiko debekua, Miguelek (Anthony Gonzalezen ahotsa) Ernesto de la Cruz (Benjamin Bratten ahotsa) idoloaren gisan famatu bihurtzea du amets. Bere talentua erakusteko borrokan, eta hainbat gertakari tarteko, Hildakoen Lurralde harrigarri eta koloretsura helduko da. Bidean Hector liluratzaile eta iruzurtia (Gael Garcia Bernalen ahotsa) ezagutuko du, eta elkarrekin abiatuko dute Miguelen familiaren historiak ezkutatzen duen egia azaleratzeko bidaia. Renée Victor da beste pertsonaietako bat, Miguelen amona, hain zuzen.

Manuel Lekuona. Otsailak 18, 17:00etan
Sarrerak: 3,80 € (klik internet bidez erosteko)
Trailerra: https://youtu.be/DOtdQd_wgjI

 
Kutxazain eta Apal-betetzailearen DOAKO prestakuntza
Bestelakoak - Hezkuntza

Kutxazain eta Apal-betetzailearen DOAKO prestakuntza jaso nahi duzu? 100orduko praktikak burutuko dira prestakuntzaren amaieran. Interesa baduzu galdetu edo eman izena Otsailak 22a baino lehen 943 30 42 21 telefonoan edo 699 07 98 17 whatsappean. ANIMATU!

 
Yoga familian
Bestelakoak - Kirolak

Lasarte-Oriako Udalak Yogan hasteko saio berezia antolatu du neska-mutilentzat. Jardunaldia otsailaren 24an garatuko da. Jarduera doan izango da udal kirol instalazioen bazkideentzat.

Gehiago irakurri...
 
Three Billboards Outside Ebbing, Missouri
Kultura - Zinea

Hilabete batzuk pasa dira Mildred Hayesen alaba bortizki hil zutenetik. Ez dute oraindik errudunik aurkitu. Egoera ikusita, Hayesek herriko sheriffaren aurkako kanpaina bat hasiko du: hiriaren kanpoaldean hiru iragarki jarriko ditu bere lana zalantzan jarriz. Ondorioz, Polizia Hayesen aurka jarriko da. Baina Mildred ez da atzera botako eta hiltzailearen bila hasiko da bere kabuz.

Manuel Lekuona. Martxoak 2, 22:00etan, BOGA
Sarrerak: 5,50 € (klik internet bidez erosteko)
Trailerra: https://youtu.be/zGf-3olaNwY
Okendo Zinema Taldearen eskutik

 
Zesta puntan hastapena
Bestelakoak - Kirolak

Lasarte-Oriako Udal Kirol Zerbitzuak Zesta Puntan hasteko saio berezia antolatu du 2006, 07, 08 eta 09an jaiotako neska-mutilentzat. Jardunaldia martxoaren 17an garatuko da, arratsaldeko 16:00etan, udal kirol guneko pilotalekuan (Michelin). Interesa duten pertsonek, datorren astelehenean, martxoak 5ean hasita Maialen Chourraut kiroldegian eman beharko dute beraien izena. Plaza kopurua mugatua denez izen-emate zerrenda errespetatuko da. Jarduera doan izango da udal kirol instalazioen bazkideentzat.

 
2018an ere... Jaietan Blai!
Festak - San Pedro


San Pedro jaietarako proposamen zehatzik baduzu? Aurtengoan ekainaren 28tik uztailaren 1era ospatuko ditugu jaiak herrian.

  • Zein ekintza berri antolatuko zenuke?
  • Zein musika talde ikusi nahiko zenuke herrian?
  • Zure elkarte edo lagun koadrillarekin zerbait antolatzeko prest?

Animatu eta parte hartu! Bete eskuorria (PDFn jaitsi) eta utzi edozein udal eraikinetako parte hartze postontzietan! Edo bestela, proposamenak Lasarte-Oriako Udalaren web orrian ere egin ditzakezu! Proposamenak martxoaren 20ra bitartean jasoko ditugu!

 
2019ko Inauterien gaia aukeratu
Festak - Inauteriak

Hasi da datorren urteko Inauterietako gaiari buruz proposamenak egiteko epea, “Zertaz mozorrotu nahi zenuke herria 2019. Urteko Inauterietan?” lemapean. Festen Departamentuak 2019ko Inauterietarako gaia orain proposatzera gonbidatzen ditu herritarrak. Horretarako, etxez etxe postontzietan txartel bat (PDF) banatzen hasi da, haren bidez herritarrek beren proposamenak Udalari helarazi ahal izateko. Hainbeste denbora lehenago egitearekin lortu nahi dena da konpartsek eta herritarrek beta nahikoa izan dezatela datozen inauteritarako mozorroak eta karrozak prestatu ahal izateko. Iritzia emateko, apirilaren 13a baino lehenago helarazi behar diguzu gaiari buruz duzun proposamena, udaletxeko bulegoetan dauden postontzietara. Proposamen guztien artean egingo da hautaketa. Eragin irudimenari eta parte hartu!

 
Sola en Casa
Kultura - Haur Zinea

Chloe amaren etxera itzuli beharko den gazte bat da. Bere borondatearen aurka auzoz eta eskolaz aldatuko da. Amaren etxea zaharra da, eta lorategia gnomoz beteta dago... bizirik dauden gnomoz betata! Orain, bere lagun Liamekin batera Gnomoek duten misioan parte hartuko dute: Mundua Troggen mehatxuaz babestu.

Manuel Lekuona. Otsailak 25, 17:00etan
Sarrerak: 3,80 € (klik internet bidez erosteko)
Trailerra: https://youtu.be/twFn2U6VIRY

 
Enplegua Sustatzeko Hotelgintza programarako Kontratazioetarako diru laguntzak atera dira
Bestelakoak - Oharrak

Beterri Buruntza eskualdeko dirulaguntzak emateko deialdi publikoa 2018ko otsailaren 2an argitaratu da GAO-n. Diru laguntza hauek 2017ko proiektu berezietarako laguntzen baitan kokatzen dira eta Lanbide eta Beterri-Buruntza eskualdeko udalen artean finantzatzen dira.

Gehiago irakurri...
 
The Disaster Artist
Kultura - Zinea

The Disaster Artist, James Francorena, The Room filmaren making-ofari buruzko benetako istorioa da; izan ere, The Room “pelikula txarren Citizen Kane”a dela esan izan da. Tommy Wiseau-ren kultu-film klasikoa hamar urtean baino gehiagoan proiektatu da, sarrera guztiak agorturik, Ipar Amerika osoko aretoetan. The Disaster Artist amets baten bila doazen bi lagun moldatu gaberi buruzko buddy comedy bat da. Munduak bazter uzten dituenean, beren filma egiteko erabakia hartuko dute, eta film zoragarriki zatarra izango da, nahi gabe bizi dituzten une komikoei, trama sakabanatuei eta antzezpen erabat txarrei esker.

Manuel Lekuona. Otsailak 18, 19:30etan
Sarrerak: 5,50 € (klik internet bidez erosteko)
Trailerra: https://youtu.be/BaldBSGTO5Y

 
Go!azen 4.0
Kultura - Haur Antzerkia

Uda iritsi da beste behin ere eta honekin batera, Basakabi udalekuak bere ateak zabalduko ditu berriz. Pasa den urteko ikasleak, beste ikasle berri batzuekin gurutzatuko dira, denak Basakabiko disziplina zorrotzaren zaindaritzapean. Naia Basakabira iritsi berria den ikaslea da. Bere ametsa, Royal School eskolan dantza ikastea da, baina bere gurasoek ez diote sarrera proba egiten utzi nahi. Julen ere ikasle berria da aurten Basakabin, baina lehen unetik, txantxak egiteko bere zaletasunak ospetsu bihurtuko du gainerako ikasleen artean. Gari eta Eli, berriz, beteranoak dira eta kanpotik gogor itxurak egiten badituzte ere, ezkutuan maiteminduta daude. Eta Markel... Markelek Markel izaten jarraituko du. Aurreko urtean bezala, umorez beteriko antzerki obra musikala izango da hau. Telebistan ikusi ahal izango diren istorio eta gora beherak laburtu eta moldatuko dituen ikuskizuna.

Manuel Lekuona. Otsailak 17, 17:00etan
Sarrerak: 3,80 € (sarrera guztiak agortuta)

 
Herritarrentzako Bulego Mugikorrak Basaundi bailaran hasiko du ibilbidea
Bestelakoak - Oharrak


Herritarrentzako Bulego Mugikorra (HBM) Lasarte-Oriako 8 auzotan barrena ibiliko da. Udaleko jarduera auzoetara hurbiltzeko ekimen bat da, herritarrei kexak eta iradokizunak egiteko erraztasuna ematen diena, bai halaber interes orokorreko proiektuak edo bisitatzen den auzo konkreturako direnak ezagutzera emateko.

Gehiago irakurri...
 
Udalak 18.038 euro eman ditu 11 enpresa berriak sortzeko
Bestelakoak - Oharrak

Udalak itzuli beharrik gabeko finantzazio-lerro bat eman du, 18.038 eurokoa, merkataritzan, ostalaritzan edo zerbitzu pertsonaletan enpresa txikiak sortzeko. 11 izango dira enpresa onuradunak.

Gehiago irakurri...
 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

7. orria 72(e)tik
Copyright-a © 2018 Lasarte-Oriako Udala. Eskubide guztiak gordeta.